البحر بتاعى زمان

خليك معانا

2007-04-09T19:05:00.000-07:00

مش لاقيين كلام نقوله من شدة الحزن
لا إله إلا الله
و إنا لله و إنا إليه راجعون
بس اللى حصل خلانا لازم نتكلم
لازم كمدونين البلد دى
نقف ايدينا فى ايد بعض فى محن بلدنا
و ولاد بلدنا
اللى حصل كان صعب اوى
كان قاسى اوى
=======
الحادثة
الاتوبيس358البحر الاحمر
تابع لشركة " انتر جولف للسياحة
كان فى طريق عودته بشباب بورسعيد
لحضن بلدهم بورسعيد
لكن القدر و امر الله طبعا
و رعونة و استهتار بارواح ابرياء
منعهم من الحصول على اخر امانيهم فى الحياة الدنيا
بس ان شاء الله هيحققوا كل امانيهم فى الحياة الاخرة
لما كان كل حلمهم فى اللحظات دى
انهم يلاقوا اهاليهم فى انتظارهم فور دخولهم بورسعيد
وجدوا فعلا اهالي بورسعيد كلهم ينتظروهم
ليودعوهم لمثواهم الاخير
نعم اهالى بورسعيد اهاليكم
كلها تبكيكم
و ناخد العزاء فيكم
و ننتظر الصبر عن مصيبتنا
وداعا اخواتنا فى بورسعيد
اهالينا اسر الشهداء
فقد مات ابنائكم شهداء
و لكن الآن لكم آلاف الابناء
فهل تقبلوننا ابناء لكم
نعلم اننا مهما قلنا لم نستطيع ان ننسيكم آلامكم و آلامنا
و حزنكم و احزاننا على فراق احبابكم و احبابنا
و اصدقائكم و اصدقائنا
و لكننا نعلم ان الايمان بالله عامر فى قلوبكم
فلنصبر و لنحتسب
======
اخوانى مدونى بورسعيد فى مدونتنا
نعلن مبادرة مدونى بورسعيد
للتضامن مع اسر الضحايا و المصابين و طلاب كلية تربية نوعية
فى مصابهم و مصابنا الأليم
قررنا نحن مدونى بورسعيد أن
يكون لنا دور ايجابيا فى هذه المأساة
اكيد فى حاجات محتاجنها للمصابين
اكيد عايزين دم
اكيد زمايلهم محتاجين دعم معنوى
لازم نكون اقرب من الحدث علشان نعرف اكتر
ممكن نعمل ايه
الاول احنا هنسأل على موضوع حاجة المصابين للدم دى
هننزل الكلية للطلبة و نحاول نكون جنبهم
ساعدونا بالمعلومات
اللى ممكن من خلالها نساعد و لو بحاجة بسيطة
احنا هنستقبل أى اقتراحات من اى مودن فى مصر كلها
او فى أى حتى فى العالم
من اى انسان عايز يكون معانا فى العمل ده
فكر معانا
دى اقتراحات اللى اتعرضت دى
و متروكة للنقاش
======
ينعى مدونى بورسعيد
اخوانهم من أبناء بورسعيد الذين
راحوا ضحايا لحادث أليم
و يدعون الله لهم بالرحمة و المغفرة
و لاسرهم الصبر و السلوان
و نعلن الحداد فى مدوناتنا لمدة أسبوع
و إنا لله و إنا إليه راجعون
======
للتواصل معانا بالافكار
عن طريق الكومنتات فى البلوج

http://www.portsa3ed.blogspot.com/
او الايميل
portsa3ed@hotmail.com
ولمتابعة تفاصيل الحادث
زورا موقع
www.4portsaid.com

و لانى مدون من مدونى بورسعيد و من الناس اللى متأثرة بالحادث
ادعوكم جميعا للمشاركة فى هذه الحملة
و فى انتظار تواصلكم معها

2007-03-01T11:13:00.000-08:00

http://ba7re.blogspot.com/

ادعوكم إلى الإبحار فى بحرى

هتوحشنى يا كريم

2007-02-09T15:34:00.000-08:00

الرسالة ده لصديق
قد تكون علاقتى بيه قصيرة
و لكن أشعر دائما انى اعرفه منذ سنوات طويلة
تصدق يا كيم : مكنتش متخيل انى بحبك اوى كده
هتوحشنى جدا
اكيد اللى بيدخل مدونتى لأول مرة هيقول ايه الواد العكننه ده
كل تدويناته فراق و كلام كده
كفايه كده لانى متأثر جدا
و اختم بدعاء
ربنا يكرمك يا كريم و ترجع و أنت محقق كل احلامك يارب
و يديم عليك الصحة و العافية و حب الناس
:( وحشتنى من قبل ما تسافر :(

2007-02-08T10:27:00.000-08:00

النهاردة 8 فبراير

أصعب يوم يمر عليا كل عام منذ 3 سنوات

إلي أمى

قلبى و لسانى يذكراك كل يوم

و العين تبكيك كلما تذكرت نصائحك و ذكرياتى معك

و لكن أمر الله نفذ

و إنا لله و إنا إليه راجعون

اعدك ان اكون على العهد و الوعد ما استطعت

=======

على الهامش : كنت محتاج نصايح اوى النهاردة يا أمى

ربنا يخليكى لى يا أم نور و يخليلك نور و نفرح بيها كمان 3 او 4 سنين كده كويس

أسوأ أسبوع

2007-02-02T15:42:00.000-08:00

الأسبوع ده أسوأ أسبوع بمر بيه من كل سنة
الأسبوع الأول من فبراير اسبوع الذكريات الأليمة التى لا يمحوها الزمن
فى مثل هذا الأسبوع منذ ثلاث أعوام فقدت حياتى حقا
فى يوم 8 فبراير 2004
رحلت أمى عن عالمنا هذا
رحلت أمى و استاذتى و اعز أصدقائى و أحن القلوب عليا
رحلت انتيمى فى هذه الحياة
نعم فكنا لا نفترق ألا قليلا
كنا نقرأ سويا فى كتب الفقة و نتناقش حولها
كنا نتكلم و نتشاور سويا فى كل شئ
نعم أثرت فى شخصيتى كثيرا جدا
رحلت من احبها بعد الله و رسوله و قبل نفسى
أعلم اننى مهما تكلمت من الصعب انى أعبر عما أنا فيه الآن
شريط حياتى يعود فى هذه الأيام لاعيش أمر و اصعب لحظات سامر بها فى حياتى
الآن انا أعيش فى فبراير 2004 بكل تفاصيله الدقيقة جدا
اعيش صباح يوم الثامن من فبراير
أمى وحشتينى جدا
أمى وحشتينى جدا
أمى وحشتينى جدا

أصدقائى : حياة الأم كنز فلا تتركوه يهرب منكم استفيدوا من هذا الكنز قدر استطاعتكم
رحيل الأم أحساس مرير جدا جدا نعم لقد شعرت اننى كالطفل التايه و اشعر بأنى ينقصى جزء من حياتى
نعم الايام تداوى كل شئ ألا رحيل الأم
رحمك الله يا أمى

أنا و أنا .. نبدأ الحكاية

2007-02-01T05:25:00.000-08:00

طبعا اكيد الكل استغرب من قصة أنا و أنا .. قصة صراع دائم
مع ان اللى يعرفنى هيقول صراع
يالطيف اللطف يارب
مش ممكن انا و صراع متركبش
المهم انا هبسط الكلام
أنا و أنا
أنا الاولى غير أنا التانية
أنا الاولى اللى انتوا شايفنها و ده فيها عيوب اكتر من أنا التانية و هى أنا الداخلية
قصة الصراع هو حديث بين الانانتين فى المستقبل
لأن الانتين فى الماضى مختلفوش بيوصلوا لحلول وسط
الحوار اللى انابكتبه دلوقتى هو خوف من المستقبل لتختلف الاناتين
مش عارف حسيت ان الاناتين ممكن يختلفوا
برغم انهم بيحبوا بعض جدا
و بتعجبهم صراحتهم و مناقشاتهم سوا
هقسم الفصول لا
أنا و أنا .. و الارتباط
أنا و أنا .. و العمل
أنا و أنا .. و الحب ( غريبة ده صح ) :)
أنا و أنا .. و الدين
أنا و أنا .. و السياسة
أنا و أنا .. و الاحلامالشخصية
أنا و أنا .. و الاحلام البورفؤادية
أنا و أنا .. و الاحلام العامة
أنا و أنا .. و أحلام لاصدقائى و كيف اراهم من المستقبل
اتمنى انكم من خلال أنا و أنا .. ان اعبر عن نفسى لتيعرفنى أصدقائى كما لو كانوا هم أنا
ملحوظة :أنا و أنا ليس مرض الفصام :) احنا كلنا فينا الانا و الانا دول
: صحيح اختاروا ابدأ اتكلم فى انه قسم ؟

لا تكسر سيفك

2007-01-31T04:28:00.000-08:00

لا تلعن حظك ..
لا تكسر سيفك .. لن تخسر
لو يوما مات العشب الاخضر ..
........
فلتبدع شيئا أكبر
و لتنبت فيروزا و خميلا أنضر
و لأنك أنت الغارس يوما عشبك
فاشحذ سيفك يبصر ..
أغمده فى الكلمات الجوفاء
فى وجه العالم لو قطب جبهته أو أنكر
و ادخل ركب الملهوفين ..
.............
مقتطفات أحمد سويلم

انتظروا هذا الموضوع

2006-12-31T17:46:00.000-08:00

موضوع افتح فيه قلبى لأتكلم عما افكر فيه
عن احلامى و خلافاتى مع نفسى
و محاسبتى لنفسى
و محاكماتى الدائمة لذاتى
فقط على مدونتى فى نهاية الشهر الحالى
أنا و أنا
قصة صراع دائم

ارجم بذمه يا جدع

2006-12-28T09:36:00.000-08:00

إلى الاخوة المسلمين الذين يؤدون فريضة الحج ارجموا هذا الشيطان بذمه ربنا يكرمكم

أنا خالو للمرة التانية

2006-12-27T15:28:00.000-08:00

أهلا يا أحمد بيه نورت الدنيا

بلاش دوشة و اسم كلام خالو ثم ماما و بابا

بس أنا الأول

ادعولى أصلى قررت اذاكر

2006-12-27T15:24:00.000-08:00

ادعولى يا جماعة علشان اخلص الكلية لأنى سوست فيها

يارب اذاكر

المدونة مغلقة للامتحانات

عيد اللحمة

2006-12-27T15:21:00.000-08:00

كل سنة و كل أهلى و أصحابى صحة و خير

ربنا يقرب البعيد يارب

لكل أصدقائى

2006-12-03T06:55:00.000-08:00

كل سنة و الكتاتنوية طيبين

2006-12-02T09:12:00.000-08:00

كل سنة و انتم طيبين يا أصدقائى الاعزاء

سوبر نوفا

جوسى بمبس

و ربنا ميوقعكوش فى احتفال زى اللى فى الصورة

اتمنى لكما حياة سعيدة و ربنا ميحرمناش منكما يارب

كلام يحزن

2006-11-22T15:30:00.000-08:00

طبعا اكيد هتستغربوا انى حاطط الصورة ده بس لما تقروا كلامى هتفهموا انا حاططها ليه

اولا المدونة ده مدونتى أنا و عاملها علشان حبايبى و اصحابى يقروها و يشوفوهاو يعرفوا أنا بفكر أزاى

أنا هنا هتكلم عن تصريحات معالى الوزير وزير و بكل أسف الثقافة رجل و شخصية مركبة كنت قد احترمته لايام و اخذته نموذج للرجل المحترم الذى تقدم باستقالته بعد محرقة بنى سويف ثم احتقرته بعدها بأيام عندما تراجع فى الأستقالة و الآن يتحفنا بتصريحات تعتبر شرع الله تخلف و لأنى لا يشرفنى ان اضع صورة معاليه فى مدونتى فأننى أفضل ان اضع هذا الكائن المسكين الذى اعذره كثير فهو لا يعلم أى شئ فى أى شئ غير البرسيم و لو نظرنا فى المنصب الموقر الذى يشغله هذا الكائن المفكر نكتشف الكارثة وزير ثقافة فى دولة اسلامية لم يقرأ كتاب الله و لم يعلم ان الحجاب فرض على كل مرأة مسلمة وفق لنص الأية قال ربك تعالى’’ وقل للمؤمنات يغضضن من أبصارهن، ويحفظن فروجهن، ولا يبدين زينتهن، إلا ماظهر منها وليضربن بخمورهن على جيوبهن ولا يبدين زينتهن إلا لبعولتهن’’

ألم يقرأ كبير مثقفى مصر هذه الآيات حقا .. عندما جاء الزمان الذى يجلس فيه الجهلاء ليقودوا مثقفين مصر

و لكن السؤال المحير لدى هل هذا الوزير يبرر عدم ارتداء اى شخصية نسائية يتعامل معها كزوجته للحجاب أم ان هذا مفهومه عن الحجاب اتمنى ان تكون الأول لأنه لو كانت الثانية لأصبحت كارثة أما ما أتمنى استبعاده انه يعلم فرضانية الحجاب و لكن يتيع هواه

و حسبى الله و نعم الوكيل

ليس هناك ظلام مطلق

2006-11-15T06:42:00.001-08:00

يقول الله سبحانه وتعالى في كتابه المجيد وهو يحدثنا حديث يعقوب (ع) لبنيه عن قصة يوسف الذي غاب عنه كما يقولون مدة (18) سنة من دون أن يعرف له خبراً (يا بني اذهبوا فتحسسوا من يوسف وأخيه ولا تيأسوا من روح الله إنه لا ييأس من روح الله إلا القوم الكافرون) يوسف: 87. وفي آية أخرى: (ومن يقنط من رحمة ربه إلا الظالون) الحجر: 56. وفي آية ثالثة: (قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم) الزمر: 53.إن قصة اليأس والأمل ليست مجرد قصة تتصل بالحالة النفسية للانسان من خلال نتائجها الإيجابية والسلبية، بل تتصل من خلال كلام الله وبالخط العقيدي، فأن تكون الانسان الذي يعيش الأمل في عقلك وقلبك يساوي أن تكون مؤمناً، وأن تكون الانسان اليائس يساوي أن تكون كافراً، وليس من الضروري أن يكون الإيمان والكفر بشكل مباشر فقد يكون بشكل غير مباشر، واليأس والأمل قد ينطلقان بالنسبة للانسان الذي عاش المعاصي وأحاطت به ذنوبه، وقد تحصل للانسان الذي يعيش حركة حياته بكل طموحاته وبكل حركتها وفي كل مشاكلها في المرحلة الأولى، والله يريد من الانسان أن لا يياس من رحمته، وأن لا ييأس من سخطه وغفرانه، حتى أن اليأس من رحمة الله يعد من الكبائر، بل لا بد له من أن يستنطق صفة العفو والرحمة لدى ربه، فهو الذي عفوه أكثر من غضبه، وهو الذي سبقت رحمته غضبه، وهو الغفور الرحيم (ورحمتي وسعت كل شيء) الأعراف: 156. ولذلك فلا بد للانسان المؤمن حتى لو تجاوز الحدود المعقولة في الذنب، لا بد أن يفكر أن الله قد فتح التوبة بأوسع مما بين السماء والأرض.(قل يا عبادي) في بعض الآيات تشعر بأن الكلمة الربانية مملوءة بالحنان (قل يا عبادي الذين أسرفوا على أنفسهم) والإسراف على النفس هو تجاوز الحد (لا تقنطوا من رحمة الله) لا تقولوا لقد قطعنا شوطاً كبيراً في المعصية ولن يرحمنا الله، لأن شأن ربكم الذي عصيتموه وأسرفتم في معصيته، شأنه المغفرة والرحمة (إن الله يغفر الذنوب جميعاً إنه هو الغفور الرحيم) وهكذا ينبغي للانسان أن يعيش الأمل بعفو الله ومغفرته ولكن لا بالمستوى الذي يستسلم فيه لأحلام العفو والرحمة بحيث يدفعه ذلك إلى استسهال المعصية كالكثيرين من الناس الذين يسوفون التوبة، ويستعجلون الذنب، ويقولون غداً نتوب، فالشاعر يقول:لا تقل في غد أتوب لعل الغد يأتي وأنت تحت الترابفمن يا ترى يضمن لك أن تتوب في الغد، فقد لا تحيا في الغد أو إذا حييت فقد لا توفق، لذلك لا بد أن يعيش الانسان بين نور خيفة ونور رجاء ((خف الله خيفة لو أتيته بحسنات الثقلين لعذبك، وارج الله رجاء لو أتيته بذنوب الثقلين لغفر لك)) هذا التوازن بين الخوف والرجاء هو الذي يدفعك إلى الطاعة ويمنعك عن المعصية ويمنعك عن اليأس، ولا سيما الشباب الذين يعجل اليأس إلى حياتهم عندما يواجهون مشكلة عاطفية أو مشكلة عائلية أو مادية أو ما إلى ذلك، فإنهم ييأسون لأن الحياة لم تكن قد اتسعت لهم ليعرفوا طبيعتها وقوانينها وليعرفوا (إن مع العسر يسرا) وأن مع الشدة فرجاً، لذلك قد ييأسون وقد يدفعهم اليأس إلى الإنتحار، كما نلاحظ ذلك لدى الكثير من الشباب. وإن الله سبحانه وتعالى يريد أن يقول لنا من خلال قصة يوسف (ع) ويعقوب (ع) إن على الانسان أن لا يفقد الأمل، لأن فقدان الأمل يعني الكفر، وهو أن تقول بأن الله غير قادر فإن معنى ذلك أن الله غير قادر على أن يحل مشكلتك ولكن لا بد لمشكلتك من عمر تقطعه، وقد لا يكون لك مصلحة في حل هذه المشكلة، لأن قضيتك تنطلق على أساس خط آخر، وعلى أساس واقع آخر.ولنا أن نتساءل: لماذا ربط الله بين الكفر وبين اليأس؟ ببساطة، لأن اليأس يعني عدم الإيمان بقدرة الله مطلقاً، وبالتالي يؤدي إلى الكفر، لأن من أسس الإيمان أن نؤمن بالقدرة المطلقة لله سبحانه وتعالى، فعلى الانسان المؤمن إذا أحاطت به المشاكل أن يدرسها على أساس الواقع، وأن يدرس الثغرات التي يمكن أن ينفذ منها، والآفاق التي يتطلع إليها وأن لا يحبس نفسه في سجن ضيق من التشاؤم ومن اليأس، بل يفتح لنفسه كل أبواب الرجاء وكل أبواب الأمل، وقد حدثنا الله في بعض آياته أن التقوى التي يعيشها الانسان في عقله وفي قلبه وفي حياته قد تؤدي به إلى أن يجد المخرج حيث لا مخرج، وأن يكتشف الحل حيث لا حل، وأن يحصل على الرزق من حيث لا يحتسب (ومن يتق الله يجعل له مخرجاً ويرزقه من حيث لا يحتسب) الطلاق: 2. فعندئذ تغلق كل الأبواب وينظر الانسان يميناً وشمالاً وفي جميع الجوانب فلا يرى هناك منفذاً، ولكن الله يجعل المخرج حيث لا مخرج ويرزقك من حيث لا تحتسب.ومن يتوكل على الله وهو يسعى لحل مشكلته، ومن يتوكل على الله وهو يعي طبيعة الواقع، ومن يتوكل على الله وهو يخطط للمستقبل، (ومن يتوكل على الله فهو حسبه إن الله بالغ أمره) فإذا أراد الله شيئاً بلغه (قد جعل الله لكل شيء قدراً) الطلاق: 3. قد جعل الله للمشاكل قدراً محدوداً، ولحلولها قدراً محدوداً وفتح للانسان أكثر من أفق جديد، في عقولنا وفي قلوبنا ومشاعرنا، فأن نكون المؤمنين يعني أن لا يزحف اليأس إلى حياتنا وأن نبقى نحدق في الشمس عندما تميل إلى الغروب ويسيطر الظلام ونحدق بالنجوم وهي تشير إلينا أن الظلام ليس خالداً، وأن هناك إشراقة الفجر التي تنطلق من كل نقاط الضوء. فإذا كنت تشعر بالظلام ففكر بنقاط الضوء التي تجدها منتشرة في الحياة حتى تلتقي بالفجر وفي قلبك أكثر من أمل وفي قلبك أكثر من انفتاح على الشروق، وأقولها للشباب، عندما ينطلقون في دراساتهم وفي مشاعرهم وفي عواطفهم، وأقولها للثائرين وللمجاهدين الذين يواجهون التحديات، ليس هناك ظلام مطلق، علينا أن ننتج النور من عقولنا وأن ننتج النور من قلوبنا وأن ننتج النور من جهدنا لنلتقي بالنور الذي يفتحه الله لنا من خلال إشراقة شمسه

هذه حلول كل مشكلاتنا

2006-11-15T06:34:00.000-08:00

هذه حلول كل مشكلاتنا روى حذيفة بن اليمان قال : رأيت رسول الله صلى الله عليه وسلم متعلقاًًًًَََََِ بأستار الكعبة و عيناه تذرفان بالدموع ، فقلت : ما يبكيك ؟ لا أبكى الله لك عيناَ ، قال : " يا حذيفة ذهبت الدنيا كأنك بالدنيا لم تكن " . قال فداك أبى وأمى يا رسول الله ، فهل من علامات يستدل بها على ذلك ؟ . قال : نعم يا حذيفة : أحفظ بقلبك و أنظر بعينيك و أعقد بيديك إذا ضيعت أمتى الصلاة ، و اتبعت الشهوات وكثرت الخيانات و قلت الأمانات و شربوا القهوات و أظلم الهوى و غار الماء و أغبرت الأفق و خيفت الطريق و تشاتم الناس و فسدوا و فجرت الباعة و رفضت القناعة و ساءت الظنون و تلاشت السنون و كثرت الأشجار و قلت الثمار وغلت الأسعار و كثرت الرياح و تبينت الأشراط و ظهر اللواط و استحسنوا الخلف فضاقت المكاسب و قلت المطالب ، و استمرءوا بالهوى ، و تفاكهوا بينهم بشتيمة الآباء والأمهات ، و أكل الربا و فشا الزنا و قل الرضا و استعملوا السفهاء و كثرت الخيانة و قلت الأمانة و زكى كل امرئ نفسه و عمله ، و اشتهر كل جاهل بجهله ، و زخرفت جدران الدور ، و رفع بناء القصور ،وصار الباطل حقا و الكذب صدقا و الصحة عجزا و اللؤم عقلا و الضلالة هدى و البيان عمى و الصمت بلاهة و العلم جهالة و كثرت الآيات و تتابعت العلامات و تراجموا بالظنون و دارت على الناس رحى المنون و عميت القلوب و غلب المنكر المعروف و ذهب التواصل و كثرت التجارات و استحسنوا البطالات و تهادوا أنفسهم الشهوات و تهاونوا بالصلاة و ركبوا جلود النمور و أكلوا المأثور و لبسوا الحبور و آثروا الدنيا على الآخرة و ذهبت الرحمة من القلوب و عم الفسسسسسسسسسسسسسسسسسسسسسساد

و اتخذوا كتاب الله لعبا و مال الله دولا و استحلوا الخمر بالنبيذ و النجش بالزكاة و الربا بالبيع و الحكم بالرشا و تكافأ الرجل بالرجل و النساء بالنساء و صارت الماهاة فى المعصية و الكبر فى القلوب و الجور فى السلاطين و السفاهة فى سائر الناس فعند ذلك لا يسلم لذى الدين إلا من فر بدينه من شاهق لشاهق و من واد إلى واد و ذهب الإسلام حتى لا يبقى إلا اسمه و أندرس القرآن من القلوب حتى لا يبقى إلا رسمه يقرءون القرآن لا يجاوز تراقيهم لا يعلمون بما فيه من وعد ربهم و وعيده و تحذيره و تنذيره و ناسخه و منسوخه فعند ذلك تكون مساجدهم عامرة و قلوبهم خاوية من الإيمان علماؤهم شر خلق الله على وجه الأرض منهم بدت الفتنة و إليهم تعود و يذهب الخير و أهله و يبقى الشر و أهله و يصير الناس بحيث لا يعبأ الله بشئ من أعمالهم قد حبب إليهم الدينار و الدرهم حتى إن الغنى ليحدث نفسه بالفقر "صدقت يا سيدى يا رسول الله

اخوانى لا تحزنوا فالأمل باقى و الإصلاح يحتاج منا إلى عمل شاق

أدعوكم إلى دراسة كل ما تناوله النبى صلى الله عليه و سلم فى حديثه هذا

و أعلموا أن مفتاح الحل لن يخرج عما ستصل إليه تلك الدراسات

لأنى تعبتكم نفسيا إليكم تلك الكلمات

الحياة تتعثر و لكنها لا تتوقف و الأمل يتلاشى و لا يموت

و الصدق يخبو و لكنه لا ينطفئ

و نهرب من الحب و لكنه يعود

من أسف أن النور غائب و أن الجعجعة هى السائدة ...و ذلك يذكرنى بحوار مثير بين الرعد و البرق ، فقد قال الرعد معاتبا البرق :" عمرى يساوى عمرك و نولد فى لحظة واحدة فلماذا تتقدم على " فرد عليه البرق :" لأنى نور و أنت جعجعة "

إذ فالنور أقوى

ناس قابلتهم فى طريقى

2006-10-27T05:56:00.000-07:00

الساسة يا سادة

ناس منشية

و على النفاق متربية

و الكذب معاهم مش قضية

و الخيانة عندهم سمة دولية

و إنك تبيع ده حنكة سياسية

ده ناس بايعة القضية

و الشريف عندهم دماغه

بايظة و مهويه

و صاحب المبدا ده

تحفة أثرية

و لو جرئ و صاحب كلمة

يخلصوا منه

و يرموه فى الهوية

و لو كان مسنود

يبقى شوكة قويه فى الزور متنية

ياحزنى على بلد

فيها الحرامية سكنين المريوطية

و الناس المتربية على السلالم مرمية

========================

الادارة غير مسئولة عن اى تشابه الاشخاص من وحى خيال الكاتب و اللى شايف نفسه كده ده مش موضوعنا

========================

طبعا مش كل السياسين كده

طبعا فيه ناس محترمة كتير بس اللى بتكلم عنهم دول ناس قابلتهم على طريق العمل السياسى

وقابلت كمان المحترمين و اصحاب المبادئ و الفرق بين النوعين واضح و بيبان بسهولة مهما كانت فيه اقنعة محطوطه اكيد هتقع فى لحظة و الحقيقة هتبان

مجتمع تناقضات

2006-10-17T06:18:00.000-07:00

ناس فى ليل رمضان بتصلى

و ناس على القهوة

بتشرب شيشة

و فى الجوكر ملهية

===

ناس فى نهار رمضان بتسعى

و ناس فى الخناق حياتها متقضية

===

و فى العشر الاواخر

ناس فى الخيمة الرمضانية

حياتها رقص و غنى و مهلبية

و ناس فى التهجد ورع و تقوى

بسبحه و جلابيه

===

و بتوع الكنافة و القطايف

طوابير طوابير

مستنيه

===

و الشعراوى قبل الفطار

و خواطره الايمانية

والشيخ رفعت وقت المغربية

صوته علامة سنويه

هتقولولى كمان بكار

و الكاميرا الخفيه

===

رمضان شهر القرآن

يا أمة يا عربية

===

قوموا صلوا الفجرية

و اوعوا تنسوا السنة النبوية

===

و العيد أهو عليه كام يوم

ويجيى و نأخد العيدية

===

و صيام الستة البيض مش صعب

و قضية

===

رمضان كريم و مستنينه للسنة الجاية

====================================================

ده تجربة اترك تقيمها لكم و اتمنى ان يكون التقييم صادق بعيدا عن أى مجاملات

هذه الخاطرة جائتنى و أنا فى اللنش بتاع نوفا و كنا راجعين من صلاة التهجد و أمام مقهى نفرتيتى نبهنى نوفا إلى بعض الناس الذين يجلسون على المقهى فجائتنى هذا الفكرة

وااااااااااااااااء وااااااااااااااااء

2006-10-15T16:52:00.000-07:00

فى ليلة من ليالى الشتاء الممطرة اطلقت اول وااااااااااااااااااء فى سكون الليل فى شهر مارس من عام 1983

اللى كان مضايقى وقتها ان فيه حد تانى بيواء وء و كان جيبلى صداع صوت واوئته

الكائن التانى ده هو اخويا التوأم و الغريب اكتر انه توأمى مع كده طلع كمان شبهى اوى حاجة غريبة

و غير انه توأمى هو اخوى معلش يا جماعة حاجة غريبة امال لو قولتلكوا انه لقب عيلته نفس لقب عائلتى تقولوا ايه

المهم كان بيواوء كتير و كان عاملى صداع

الله يكون فى عونكم يا ماما و يا اخواتى ده اللى بيربى قطة بيبقى تعبان فى تربيته امال اللى هيربى كائنات فضائية هيعمل ايه

كائنين فضائين مطلوب رعايتهم و تاكيلهم و ملعبتهم فى وقت و احد علشان الوااااااوااااءة

المهم جاء هذا الكائن اللى هو أنا مولودنا سعيد على الاسرة توأم بقى

و اكتر حاجة ضايقتنى ان كل الناس اللى جمع فى السبوع كانوا مصرين انهم يشوفونا كانت فورجه يعنى الناس رايحة جايه عايز تشوف التوأم دول شكلهم ايه

حاجة تضايق صح

بس اللى ضايقنى اكتر انى ما أكلتش الفول بتاعى

مع انه بتاعى معرفش ليه مرضوش يجبولى مع انى واواءت جامد

و قلت طيب بق مغات او اى حاجة طيب ملبسه

محدش عبرنى و انا شايل الموضوع ده فى نفسيتى لحد دلوقتى

المهم جيت الدنيا

اشكر ماما الله يرحمها و بابا ربنا يحفظه و اخواتى الكبار على انه استحملوا صداع الوااااوااااء

==============

طبعا الكل هيشك و يقول خيوف اتجنن

بس اكيد لسه محصلش بس لو حصل اكيد اول ناس هتعرف انتم

==============

نبدأ الحكاية

2006-10-15T16:03:00.000-07:00

هى حكاية شاب عادى ممكن يكون جارك او اخوك او ابن عمك او اى حد قابلته فى حياتك
اللى مش عادى انى هكلمكوا كلام مش عادى
بس فى النهاية اوعدكم انكم هتحبونى لما تعرفونى كويس
عادى كده ياشباب

القلب يدمى..والعين تبكى

2006-10-09T04:35:00.000-07:00

القلب يدمى..والعين تبكى
اشتاق إليك يا حبيبتى
فمنذ رحيلك
لم أعد اتذوق طعم الفرحة
كما كنت فى حياتك
أمى يوم وداعك يوم لا يمحوه الزمن
فكل تفاصيله امامى كما لو كانت بالأمس
يوم فقدت فيه بابا من أبواب الجنة
أحن إلى النظر فى وجهك المنير بنور الايمان
احن إلى سماع صوتك العذب الذى كان دائما الذكر و تلاوة القرآن
احن إلى الحديث معك فدائما كنت استمد منك الرأى السديد و العلم الغزير
احن إلى دعائك لى فكنتى دائما صاحبة دعاء مستجاب يطلبه القريب و الغريب
احن إليك دوما
احن إلى لقاءك و ارجو الله ان يجمعنا فى جنة عرضها السموات و الأرض
أمى لقد نزف قلبى بموتك يا حبيبتى فاسأل الله - جل و علا- أن يرحمك رحمة واسعة و أن يجعل كل أعمالى فى ميزان

حسناتك و أن يجمعنى بك فى جنته و مستقر رحمته

===========

اهدى لك يا أمى موضوع باذن الله بعنوان : و بشر الصابرين فقد كنتى رمز نادر التكرار للصبر

و إنا لله و إنا إليه راجعون

قريبا

2006-09-30T12:06:00.000-07:00

قريبا تشاهدون مدونتى